محمد قاسم سرویا بہترین مائع کھادیں

ہوم گارڈننگ کے لیے۔۔۔

بہترین مائع کھادیں Best Liquid Fertilizers

تحریر: محمد قاسم سرویا۔۔۔ شیخوپورہ

(ان شاءاللہ یہ مضمون آپ کی ہوم گارڈننگ لائف میں انقلاب برپا کر دے گا)

ہم اپنے گروپ #دیسی گارڈننگ میں کیمیائی کھادوں کی حوصلہ شکنی کرتے ہیں کیونکہ اگر یہ پودوں کی پرورش اچھی اور جلد کرتی ہیں تو ساتھ ہی ہمارے اور پودوں کے لیے بہت نقصان دہ بھی ہیں۔ بہتر ہے آپ اپنے پھلوں اور سبزیوں کے پودوں کو دیسی کھاد (کمپوسٹ، گوبر، کوکوپیٹ، بھل مٹی، ریت یا خشک پتے وغیرہ) دیا کریں۔۔۔ البتہ پھولوں یا پتوں والے سجاوٹی پودوں کو تھوڑی بہت یوریا اور ڈی اے پی دے سکتے ہیں۔

ہر سیزن یعنی 6 ماہ بعد پرانی مٹی کو گملوں یا گرو بیگز سے نکال کر اچھی طرح دھوپ لگوائیں، اس میں مزید غذائی اجزاء شامل کریں، ایک دو دن گوڈی دیں اور نئے بیج یا پنیریاں لگانے سے پہلے خوب الٹ پلٹ کر کے پاٹس میں ڈالیں اور پھر ہوم گارڈننگ کریں۔

مذکورہ ٹھوس دیسی کھادیں ہم سال میں دو بار یا کبھی کبھار ہی استعمال کر سکتے ہیں لیکن آج ہم آپ کو بہت سی مائع کھادوں کے بارے میں معلومات دیتے ہیں جو آپ جب چاہیں یا حسبِ ضرورت اپنے پودوں میں ڈال سکتے ہیں اور ان کی ہریالی اور خوشحالی سے  محظوظ ہو سکتے ہیں۔

#desi_gardening 

1۔ گوشت کا پانی: Meat Water

وائٹ اینڈ ریڈ مِیٹ جب بھی گھر میں لایا جاتا ہے تو اسے دھویا جاتا ہے۔ اس سے پہلے اگر آپ یہ پانی ضائع کر دیتے تھے تو اب آپ نے ایسا نہیں کرنا۔ اپنے سنک کے پاس ایک بڑا ٹب یا بالٹی رکھیں اور اس میں ایسا پانی جمع کرتے رہا کریں۔ یہ مِیٹ سیچوریٹڈ واٹر پودوں کے لیے بہت ٹیسٹی کھاد ہے۔ ہر ہفتے ہر گملے کو ایک ایک گلاس دینے سے پودوں کی جڑوں کا ذائقہ بدل جائے گا۔۔۔ بالکل ایس طرحاں جس طراں گوشت کھان نال تہاڈے منہ دا سواد چینج ہو جاندا اے۔😊👍

2۔ سرسوں کی کھل: Mustard Cake

سرسوں کا تیل نکالنے کے بعد جو مواد یا Waste بچ جاتا ہے اسے کھل یا کھلی کہتے ہیں۔ سو گرام کھلی ایک گلاس پانی میں 24 گھنٹے بھگو دینے کے بعد یہ بہت اسٹرانگ لیکوئیڈ فرٹیلائزر بن جاتی ہے۔۔۔ اور یہ ہر طرح کے انڈور اور آؤٹ ڈور پلانٹس کے لیے بہت فائدے کی چیز ہے۔ تیار ہونے کے بعد ایک کپ حل شدہ پانی میں مزید ایک کپ سادہ پانی ملانے کے بعد پودوں کو دیں تو زیادہ اچھا رہے گا۔۔۔ بوہتی پا کے پودے ساڑ نہ لیو۔😜

3۔ لکڑی یا گوبر کے اوپلوں کی راکھ: 

Wood/Dung Ash

ہمارے بزرگ لہسن کے پودوں میں یہ راکھ ضرور ڈالا کرتے تھے۔ یہ کاربن، نائیٹروجن، کیلیشیم اور سلفر سے بھرپور ہوتی ہے۔ اسے لیکوئیڈ فارم میں بھی استعمال کر سکتے ہیں لیکن بہتر ہے کہ اسے پودوں کے اوپر پاؤڈر فارم میں "اسپرنکل" کیا جائے۔۔۔ پودے کے پتوں کو بھی فائدہ ملے گا اور جڑوں کو بھی اور ساتھ ساتھ اگر پتوں پر فنگس پرابلم ہے تو یہ راکھ اسے بھی اپنے اندر جذب کر لیتی ہے۔ ڈبل موجاں 👍😊

4۔ چاول کا پانی: Rice Water

چاول دھونے کے بعد والا پانی بھی پودوں کی نمو کے لیے بہت "بینی فیشل" ہے۔ کبھی کبھی یہ ذائقہ بھی پودوں کو چکھنے دیا کریں۔ اگر آپ روزانہ بدل بدل کر کھانے کھاتے پیتے ہیں۔۔۔ تے دوجے دن بھنڈیاں پک جان تے بھانڈے چک چک ماردے جے۔۔۔ تو پودے بھی ہروج سادہ پانی پی پی کے اَک اور تھک جاتے ہیں۔ ان کو نیا ذائقہ دیں😊🌹

5۔ مکس سبزی ملا پانی: Vegetables Water

تمام سبزیوں بالخصوص گاجر، چقندر، پالک اور ساگ کے باریک ٹکڑے کر کے پانی میں پوری رات بھگو کر صبح پودوں کو یہ پانی دیں گے تو ان میں پوٹاشیم، پروٹین، وائٹامن وغیرہ کی کمی تو دور ہوگی، نال نال آپ کے گارڈن میں لہراں بہراں ہو جان گئیاں۔❤️👍

6۔ کیلے کے چھلکے: Banana Peels

بچے اور بڑے کیلے بہت مزے سے کھاتے ہیں اور چھلکوں کو کوڑا دان میں ڈال دیا جاتا ہے۔ تازہ کیلے کے چھلکے اور ایک دو ہفتہ خشک ہوئے چھلکے دونوں صورتوں میں پانی میں حل کر کے مائع کھاد بنائی جا سکتی ہے۔ پوٹاشیم کی کمی کو پورا کرنے کے لیے یہ کھاد بہت مفید ہے۔ 24 گھنٹے ڈپ رہنے سے تمام غذائی اجزاء پانی میں حل ہو جاتے ہیں اور ہم اسے تمام فلاورنگ پلانٹس، جیسے گلاب اور چائنہ گلاب (ہابسکس) وغیرہ میں ہر پندرہ دن کے بعد ڈال سکتے ہیں۔ دھیان رکھیو بُوٹے سجناں طراں نخریلے ای نہ ہو جان۔۔۔😜

7۔ سٹرس پلانٹس کے چھلکے: Citrus Peels

لیموں، مالٹا، مسمی اور دیگر سٹرس پلانٹس کے "پِیلز" باہر پھینک پھینک کے کوڑے کے ڈھیر نہ لگائیں اور بڑھائیں۔۔۔ ان کو ایک بڑے برتن میں ڈال کر پانی میں ڈبو دیا کریں اور حسبِ ضرورت اپنے تمام پودوں کو ایک ایک گلاس ویکلی "نمبُو پانی" دیتے رہا کریں۔ وائیٹامن سی۔۔۔ پی کے بُوٹے وی ہیپی ہیپی ہو جاسی۔😊👍

8۔ پیاز کے چھلکے: Onion Peels

ایک گلاس پانی میں مٹھی بھر خشک پیاز کے چھلکے 30 گھنٹے کے لیے پانی میں ڈبوئے رکھنے سے جب پانی براؤن سا ہو جائے تو اس لیکوئیڈ کو تمام پودوں کو دے سکتے ہیں اور یہ ان کی تمام غذائی ضرورتوں کو پورا کرنے کے لیے بہت ہی کارآمد شے ہے۔ پھولوں اور سبزیوں والے تمام پودوں کو  فاسفورس، پوٹاشیم، زنک اور دیگر طاقتی اجزاء فراہم کرنے کا یہ بہت اچھا سورس ہے۔ گنڈے کٹن لگیا اتھرو آ جان تے چھیتی صاف کر لیا جے، متاں کوئی سمجھے کسے دی یاد وچ ٹسوے وگاؤن ڈئے جے۔😜🤔❤️

9۔ سوڈا واٹر: Carbonated Water

کالیاں، لال، پیلیاں بوتلاں پی پی کے اساں اپنے معدے خراب کر لیے نیں پر ایہہ چھڈنیاں نئیں۔۔۔😜 سوڈا اور کاربونیٹڈ واٹر کی انسانوں سے زیادہ پودوں کو ضرورت ہے کیونکہ وہ کاربن پی کر ہمیں زیادہ آکسیجن دیں گے۔ کچھ لوگ تو اس "ہوائی اور بُلبلائی پانی" کو پیسٹی سائیڈز کے طور پر بھی استعمال کرتے ہیں۔ کبھی کبھار دل پشوری کرنے کے لیے کولڈ ڈرنک پیئیں تو دو چار گُھٹ اپنے گھر دے گملے وچ بھی پا دیا کرو۔۔۔ اوہوی ڈکار چھکار مار لین گے۔😊😜

10۔ چائے پتی: Used Tea Petals

ماشاءاللہ ہماری اکثریت چائے کی بہت شوقین ہے (موج کریں، پر رنگ نہ کالا ہوجے😜)، لیکن اس سے پہلے اگر آپ چائے پی کر چائے پتی کو ضائع کر دیتے تھے تو اب ایسا نہیں کرنا۔ سارا دن جب بھی چائے بنائیں تو پتی جمع کرتے رہیں اور اگلی صبح اچھی طرح دھو کر دھوپ میں سوکھنے کے لیے رکھ دیں، تاکہ چکنائی اور دودھ کے ذرات نکل جائیں۔ جب اچھی طرح خشک ہو جائے تو ایک گلاس میں ایک یا دو چمچ خوب حل کر کے 24 گھنٹے پڑا رہنے دیں اور پھر  گملے میں ڈال دیں، گلاب، پتوں اور پھولوں والے پودے اس لیکوئیڈ فرٹیلائزر سے بہت خوش ہوتے ہیں۔ تھوڑی پائیو، بُوٹے ٹُن ای نہ ہو جان۔۔۔😊🤔

11۔ پولٹری مینیور: Poultry Manure

مرغی خانے کی گوبر یا کھاد بہت طاقت والی چیز ہے، اسی لیے یہ کھیتوں میں بھی ڈالی جاتی ہے کہ فصلوں کی اٹھان اور پروان اچھی ہو۔ ایک گلاس پانی میں سو گرام مرغیوں کی بیٹیں حل کر کے پودوں کو دینے سے وہ چنگے بھلے راضی باضی ہو جان گے۔👍🌹

#desi_gardening

12۔ انڈے کے چھلکے: Egg Shells

استعمال شدہ انڈے کے چھلکوں کو اچھی طرح پیس کر یا باریک کرکے دو تین دن تک پانی میں ڈپ کر کے رکھیں اور ہلاتے رہیں۔ یہ بوگن ویلیا اور اینڈیم کے پودوں بلکہ تمام گھریلوں پودے کی کیلشیم کی کمی کو پورا کرنے کے لیے بہت کام کی چیز ہے۔ اگر پودے بولتے ہوتے تے اوہناں نے آپ کہیا کرنا سی۔۔۔ ساڈے واسطے گرم گرم آنڈے لیاؤ جی۔😜😊

13۔ کمپوسٹ واٹر: Compost Water

اچھی تیار شدہ کمپوسٹ پودوں کو ڈائریکٹ ڈالنے کی اپنی افادیت ہے لیکن اگر اسے پانی میں حل کر کے ڈالا جائے تو نتائج جلد اور تسلی بخش ہوتے اور آتے ہیں۔ کچن ویسٹ سے بہترین کمپوسٹ ہن اپنے گھر چہ تیار کرنی جے۔👍🌹

14۔ گائے کا گوبر: Cowdung Water

ایک درمیانے سائز کا خشک گوبر کا ٹکڑا (پاتھی) لے کر پانی کے ایک گلاس میں 24 گھنٹے کے لیے ڈبو دیں اور جب اگلے دن پانی کی رنگت مہندی جیسی ہو جائے تو یہ مائع کھاد تیار ہے، جو تمام سبزیوں کے پودوں کو فوری نیوٹری اینٹس دینے کی صلاحیت رکھتی ہے۔ بہت زیادہ گرمی میں اسے استعمال نہ کریں۔۔۔ نئیں تے پودے ویکھ ویکھ کے تساں ہسی جانا۔۔۔😜😊

 

15۔ وِیڈی ٹی: Weedy Tea

ویسے تو تمام جڑی بوٹیاں (وِیڈز Weeds) ہمارے پلانٹس کے لیے نقصان دہ ہیں لیکن اگر ان کو اکھاڑ کر پتوں اور جڑوں سمیت پانی میں ڈپ رکھا جائے تو 24 یا 36 گھنٹوں کے بعد یہ "ویڈی ٹی" جب پودے پچاکے مار مار کے پیئیں گے تو ان کی صحت گھوڑے وانگوں ہو جے گی۔😜👍

16. ڈی اے پی کے دانے: DAP Mixed Water

ویسے تو کیمیائی کھاد ٹھیک نہیں لیکن محدود مقدار میں سیزنل فلاورنگ پلانٹس کے لیے اسے استعمال کیا جا سکتا ہے۔ پندرہ بیس دانے ڈی اے پی کھاد لے کر رات کو پانچ 6 گھنٹے پانی کے ایک گلاس میں بھگو دیں اور صبح پارچولاکا یا گل دوپہری اور ونکا (سدا بہار) وغیرہ کے پودوں کو یہ لیکوئیڈ فرٹیلائزر دیں تو ان پر کافی پھول آئیں گے۔۔۔ اور آپ پُھول جائیں گے۔۔۔ پر کُپا نئیں ہونا۔😊👍

#desi_gardening

(اس مضمون کی تیاری میں اپنے اور بزرگوں کے تجربات، نرسریوں کے مشاہدات، دی ون صفحات، یوٹیوبیات اور گوگلیات سے بھی مدد لی گئی)

آپ بھی اپنے تجربات شیئر کر سکتے ہیں۔۔۔ سانوں بووووہت خشی ہووے گی۔😊🌹👍❤️

تواڈا گارڈن مینٹور۔۔۔

محمد قاسم سرویا